Bir-biri ilə yola getməyən bürclər hansılardır❓
Bir-biri ilə yola getməyən bürclər hansılardır? Münasibətlərdə də öz təsir gücünü göstərən bu əsas məqamı ciddiyə almaqda fayda var. Ulduzlar heç vaxt səhv demir😉
Qoç ♈
Qoçun odlu təbiəti bürclər arasında ən barışmaz sayılır, çünki bu bürcün hakimi Marsdır – emosional və hakimiyyətli planet. Mars Qoçlara iradə gücü və dəmir iradə ilə qalibiyyət istəyi bəxş edir. Statistikaya görə Qoçun ən düşmən münasibətləri ən çox Buğa, Tərəzi və Oxatan ilə yaranır. Birinci və ikinci halda Mars, Buğa və Tərəzinin hakimi olan Venera ilə qarşıdurmaya girir. Marsı ən çox qıcıqlandıran isə Veneranın hər şeyi asanlıqla əldə etməsidir. Bunun məşhur nümunəsi – Viktoriya Bekhem (Qoç) və Naomi Kempbell (Buğa). Naomi illər əvvəl Viktoriya haqqında xoşagəlməz sözlər işlədib və onlar bu gündən bəri barışmayıblar. Digər bir nümunə – Corc Kluni (Buğa) ilə Rassel Krou (Qoç) arasındakı köhnə münaqişədir.
Buğa ♉
Buğalar estetikaya, rahatlığa və həyatdan həzz almağa üstünlük verirlər. Onların sabit təbiəti bəzən Əqrəblərlə toqquşur. Əqrəbin dramatikliyi və fatalizmi Buğanı əsəbiləşdirə bilər. Məşhur nümunə – Corc Kluni (Buğa) ilə Leonardo Di Kaprio (Əqrəb) arasındakı uzunmüddətli soyuqluq. Deyilənə görə, Di Kaprio Klunini “Hollivudun kralı” titulundan salmaq istəyib.
Əkizlər ♊
Ünsiyyətcil və intellektual Əkizlər daim diqqət mərkəzindədir. Onların hakimi Merkuri – ünsiyyət və bilik planetidir. Bəzən öz ağlına və bacarıqlarına güvənərək təkəbbürlü görünə bilirlər. Bu isə Əqrəblərin incikliyinə səbəb olur. Məsələn, Nikol Kidman (Əkizlər) və Culiya Roberts (Əqrəb) arasındakı soyuqluq. Onlar birgə film çəkilişlərində münasibətləri korlamışdılar.
Xərçəng ♋
Ayın idarəsində olan Xərçənglər çox həssas və ailəcanlıdır. Onlar tez inciyirlər və uzun müddət kin saxlaya bilirlər. Ən çox anlaşmazlıq isə Qızlarla olur, çünki Qız bürcünün tənqidi Xərçəngə ağır gəlir. Nümunə – Benedikt Kamberbətç (Xərçəng) və Martin Frimen (Qız), “Şerlok” serialının çəkilişlərində tez-tez mübahisə ediblər. Digər nümunə – Meril Strip (Xərçəng) ilə Karl Lagerfeld (Qız).
Şir ♌
Şirlər yaradıcılıq, hakimiyyət və eqo ilə seçilirlər. Əksər hallarda özlərinə güvənən görünürlər, amma daxildə emosionaldırlar. Ən çox Qoçlarla çətinlik yaşayırlar, çünki hər ikisi od ünsürüdür və rəhbərlik etməyi sevirlər. Nümunə – Kim Kattrall (Şir) və Sara Cessika Parker (Qoç) arasındakı uzun sürən gərginlik.
Qız ♍
Qızlar intizam, analiz və detala diqqətlə seçilirlər. Onların hakimi də Merkuri olsa da, xaraktercə Əkizlərdən fərqlidirlər. Ən çox Qoçlarla çətinlik yaşayırlar, çünki Qoçun hökmranlıq istəyi Qızı əsəbiləşdirir. Nümunə – “Gossip Girl” serialında Bleyk Ləyvli (Qoç) və Leyton Mister (Qız) arasındakı konflikt. Tərəzilərlə də çox yaxşı yola getdikləri deyilə bilməz.
Tərəzi ♎
Diplomatik və sülhpərvər Tərəzilərin hakimi Venera olduğu üçün incəsənət və gözəlliklə bağlıdırlar. Onlar ümumiyyətlə hər kəslə anlaşa bilirlər, amma ən çox problem Qoçlarla olur – əks bürclərdir. Nümunə – aktrisa Lena Hidi (Tərəzi) və aktyor Cerom Flinn (Qoç) arasındakı gərginlik. Onların serial çəkilişlərində bir səhnədə olmaması barədə hətta müqavilədə şərt yazılıb. Eyni zamanda Qızlarla da yola getmirlər. Qızların həddindən artıq detalcı və çürükçü olmaqları Tərəziləri çox əsəbləşdirir.
Əqrəb ♏
Əqrəblər güclü enerji, cazibə və ambisiya ilə tanınırlar. Ən çətin münasibətləri isə çox vaxt öz bürcləri ilə olur, çünki eyni güclü enerji toqquşur. Məşhur nümunə – “Sevgi gündəliyi” filminin baş rollarında oynayan Rayan Qoslinq və Reyçel MakAdams (hər ikisi Əqrəb), çəkiliş zamanı tez-tez dalaşıblar.
Oxatan ♐
Oxatanlar xarizmatik, azadlıqsevər və məqsədinə çatmağı sevən bürclərdir. Onların ən çox problem yaşadığı bürc Əkizlərdir – əks bürclər. Oxatanın rəhbərlik ehtiyacı, Əkizin isə sərbəstliyi münaqişəyə səbəb olur. Nümunə – Kanye Uest (Əkizlər) və Teylor Svift (Oxatan) arasındakı illərlə davam edən qarşıdurma.
Oğlaq ♑
Oğlaqlar məqsədyönlü və məsuliyyətli olurlar. Onlar çox vaxt konfliktlərdən qaçırlar, amma hava bürcləri – Əkizlər, Tərəzi və Dolça ilə anlaşmaqda çətinlik çəkirlər. Çünki onları məsuliyyətsiz sayırlar. Eləcə də Qoçların tələskənliyi ilə düz gəlmirlər. Məşhur nümunə – Orlando Blum (Oğlaq) və Conni Depp (Əkizlər) arasındakı gərginlik.
Dolça ♒
Dolçalar azadlıqsevər və qeyri-adi düşüncələri ilə fərqlənirlər. Ən çox çətinliyi Qızlarla yaşayırlar. Çünki Qız tənqidçidir, Dolça isə sərbəstliyi üstün tutur. Nümunə – Eşton Katçer (Dolça) və Çarli Şin (Qız) arasındakı qarşıdurma.
Balıq ♓
Balıqlar romantik və diplomatikdir, onların hakimi Neptundur. Ən çox anlaşılmazlıqları od bürcləri (Qoç, Şir, Oxatan) ilə olur. Çünki Balıqların həssaslığı və xəyalları, od bürclərinin eqosu ilə uyğun gəlmir. Nümunə – “Desperate Housewives” serialında Eva Lonqoriya (Balıq) və Teri Hetçer (Oxatan) arasındakı soyuqluq.
