22-28 Sentyabr Bürclər 2025

Həftəlik bürclər 2025 ilə saytımızda tanış ola bilərsiniz. Həftə ərzində sizi nələrin gözlədiyini bilmək istəyirsinizsə, başlayaq!

♈ Qoç

Bu həftə baş verən Günəş tutulması sənin həyatında böyük dəyişikliklərə zəmin yaradır. Xüsusilə iş həyatında yeni vəzifələr, departament və ya rəhbərlə bağlı dəyişikliklər gündəmə gələ bilər. Çoxlu məsuliyyətlərlə qarşılaşsan da, sən bu sıxlığın öhdəsindən gələ biləcək gücdəsən. Eyni anda bir neçə məsələni idarə etməli olacaqsan. Sağlamlığını da diqqətdən qaçırma – xüsusilə yuxu və qidalanma rejiminə nəzarət et. Bu həftə həm də yeni iş rejimi qurmaq, diyetə başlamaq və zərərli vərdişlərdən uzaqlaşmaq üçün ideal zamandır. Ruhsal və fiziki baxımdan özünü yeniləmək istəyəcəksən.

♉ Buğa

Bu həftə emosional münasibətlər və şəxsi arzular ön plana çıxır. Əgər bir münasibət içindəsənsə, qarşı tərəfdən nə gözlədiyini daha aydın anlayacaqsan. Bəziləri üçün evlilik, uşağa sahib olmaq və ya ciddi qərarlar gündəmə gələ bilər. Həmçinin, iş yerində yüksəliş və yeni layihələrdə iştirak etmək imkanı yaranacaq. İdeyalarınla diqqət çəkə bilər, təqdim etdiyin təkliflər müsbət qarşılanar. Sosial çevrəndə dəyişikliklər mümkündür – yeni insanlarla tanış ola bilər və ya bəzi köhnə münasibətlərə nöqtə qoya bilərsən. Hobbilərin qazanca çevrilə bilər.

♊ Əkizlər

Karyera və ailə ilə bağlı böyük qərarlar verməli olacağın bir həftədir. Uzun müddətdir həllini gözləyən məsələləri artıq tamamlamaq üçün fürsət yaranır. Yeni evə köçmək, ev almaq-satmaq və ya ailə ilə bağlı hüquqi məsələlərə nöqtə qoymaq mümkündür. Bəziləri üçün bu həftə evlənmək, ailə qurmaq və ya uzaqda yaşayan qohumlarla bir araya gəlmək imkanı yarana bilər. Ailə ilə olan bağların güclənməsi, eyni zamanda məsuliyyətlərin artması deməkdir. Daxili sabitliyi bərpa etmək və şəxsi həyatını qaydaya salmaq üçün əla dövrdür.

♋ Xərçəng

Bu həftə təhsil, səyahət, hüquqi proseslər və ünsiyyət sahələrində hərəkətlilik var. Əgər təhsilini yarımçıq qoymuşdunsa, indi onu tamamlayacaq güc tapacaqsan. Uzaq səfərlər, işgüzar və ya şəxsi məqsədlərlə olan gediş-gəlişlər gündəmini zəbt edə bilər. Eyni zamanda, yaxın çevrəndən – bacı, qardaş, qohum və ya həyat yoldaşının qohumlarından xəbər alacaqsan. Bəzi dostluqlar sona çata, bəziləri isə sənin üçün yeni bir dövr başlada bilər. Əgər hüquqi bir proses varsa, bu həftə irəliləyişlər müşahidə edilə bilər. Öz fikirlərini ifadə etmək və başqaları ilə daha açıq danışmaq önəmli olacaq.

♌ Şir

Maddi məsələlər bu həftə sənin üçün ön plandadır. Xərcləri gözdən keçirmək, borcları ödəmək və gəlir mənbələrini yenidən planlaşdırmaq zamanı gəlib çatıb. Əgər əlavə qazanc yolları axtarırsansa, bu həftə bu istiqamətdə bir fürsət çıxacaq. Kredit müraciəti etmək, miras məsələsini həll etmək və ya mülk satıb başqa bir sahəyə sərmayə qoymaq mümkündür. İstədiyin maliyyə sabitliyinə çatmaq üçün özünü daha çox ifadə etməlisən. Bu həftə həm də gözlənilməz romantik görüşlər, sürpriz hisslər yaşana bilər. Maliyyə və duyğusal həyat arasında balans yaratmaq vacibdir.

♍ Qız

Bu həftə Günəş tutulması bilavasitə sənin bürcündə baş verir və həyatında tam mənasıyla bir dönüş nöqtəsidir. Əvvəllər üzərinə düşmədiyin məsuliyyətlər, həllini ertələdiyin şəxsi məsələlər, sağlamlıq və həyat tərzi ilə bağlı vərdişlərin indi diqqət mərkəzinə gəlir. Özünü yenidən formalaşdırmaq, fiziki görünüşündə və gündəlik rejimində dəyişiklik etmək istəyəcəksən. İstər şəxsi münasibətlər, istər ailə, istərsə də iş mühiti olsun – bu həftə “kim nə verir, sən nə alırsan” sualını özünə tez-tez verəcəksən. Zərərli vərdişlərdən uzaqlaşmaq, sağlam qidalanmaq, idmana başlamaq və daha məhsuldar yaşamaq üçün ideal zamandır. Həyatına “reset” atmaq istəyirsənsə, göy qübbəsi sənin yanındadır.

♎ Tərəzi

Bu həftə həm daxili, həm də fiziki sağlamlığını nəzərdən keçirməli olacaqsan. Günəş tutulması səni rahat buraxmayan, içində saxladığın duyğularla üzləşdirə bilər. Bəzi gizli qalan məsələlər üzə çıxa, həyatında artıq yük olan insanlarla yollarını ayıra bilərsən. Yuxu rejimin, qidalanma və ümumi həyat balansın pozula bilər, ona görə də özünü qorumağa çalış. İş mühitində yeni məsuliyyətlər və dəyişikliklər səni gözləyir. Yeni işə başlamaq, mövcud işdə yeni rol almaq və ya tamamilə istiqamət dəyişmək mümkündür. Eyni zamanda sənət, ilham, terapiya və ruhi inkişaf üçün bu həftə çox uyğun enerjilər var. Əgər içində uzun zamandır saxladığın narahatlıqlar varsa, indi onları buraxma zamanıdır.

♏ Əqrəb

Bu həftə sənə həm sosial, həm də karyera sahəsində dəyişikliklər gətirir. Əvvəlki dostluqlarını, qrup fəaliyyətlərini və aid olduğun çevrələri nəzərdən keçirmək ehtiyacı hiss edəcəksən. Artıq sənə fayda verməyən insanlardan uzaqlaşmaq, öz missiyanı dəstəkləyən yeni insanlarla tanış olmaq üçün fürsətlər yaranacaq. Karyera sahəsində də ciddi qərarlar qarşına çıxır – yeni bir təklif, vəzifə dəyişimi və ya gələcək üçün strategiya qurmaq zamanı ola bilər. Həyatınla bağlı böyük planlar qurmaq və bu istiqamətdə cəsarətli addımlar atmaq üçün uyğun bir dövrdür. Amma unutma – hər şey bir gündə baş verməz, səbir və dəqiqliklə irəlilə.

♐ Oxatan

Sənin üçün bu həftə karyera və ailə ilə bağlı mövzular ön plandadır. Mövcud işindən ayrılıb yeni bir yola çıxmaq, vəzifə dəyişmək, öz işini qurmaq və ya ailənin yaşayış şəraitini dəyişmək ehtimalın yüksəkdir. Həm iş, həm də şəxsi sahədə böyük dəyişikliklər gündəmdə ola bilər. Əgər artıq hazır deyilsənsə belə, həyat səni dəyişməyə məcbur edəcək. İşgüzar uğurlar, tanınma və maddi rahatlıq üçün yeni imkanlar doğur. Ailədə isə valideynlərlə bağlı məsuliyyətlər, onların sağlamlığı və rifahı diqqət tələb edə bilər. Qətiyyətli ol, amma hər şeyin zamanla oturacağını unutma.

♑ Oğlaq

Bu həftə akademik, hüquqi və beynəlxalq məsələlər sənin üçün əsas mövzular olacaq. Təhsil almaq, xaricə getmək, yeni bir dildə danışmağı öyrənmək və ya hüquqi bir prosesi başa çatdırmaq planların ola bilər. Əgər sosial mediada fəaliyyət göstərirsənsə, bu sahədə də uğurlar qazana bilərsən. Yeni layihələr, təqdimatlar və ya müştəri əlaqələri gündəmə gələ bilər. Ətrafındakı insanlarla olan münasibətlərdə də sınaqlar yaşana bilər – bəziləri ilə yollarını ayırmaq, bəzilərinə isə yeni baxış bucağından yanaşmaq lazım gələcək. Əgər planların gecikir və ya irəliləyiş gözlədiyindən yavaş gedirsə, səbrli ol və prosesi axarına burax.

♒ Dolça

Bu həftə sənin üçün pul, borc, maddi və mənəvi paylaşım mövzuları gündəmə gələcək. Əgər ortaqlıqlar və ya paylaşmalı olduğun maliyyə məsələləri varsa, indi bu sahələrdə düzəlişlər etməli olacaqsan. Bir çox Dolça bürcü nümayəndəsi üçün bu dövr həm də yeni gəlir mənbəyi tapmaq, kreditlə bağlı qərarlar vermək və ya irsi mübahisələri həll etmək vaxtı olacaq. Ruhsal baxımdan da dərinləşirsən – özünü və qorxularını daha yaxşı tanıyacaqsan. Əgər psixoloji gərginlik hiss edirsənsə, terapiya və ya meditasiya kimi metodlara yönəlmək faydalı olar. Bəzi gizli qalan məsələlər ortaya çıxsa da, səni azadlaşdıracaq.

♓ Balıq

Bu həftə sənə münasibətlər sahəsində böyük sınaqlar və yenilənmələr gətirə bilər. Günəş tutulması ikili əlaqələrə işıq tutur – istər eşq, istər dostluq, istərsə də işgüzar əməkdaşlıqlar. Bəziləri ilə yollarını ayıra bilər, bəziləri ilə isə daha ciddi bir mərhələyə keçid edə bilərsən. İndiyə qədər səbr etdiyin, lakin səni sıxan əlaqələr artıq davam etməyə bilər. Eyni zamanda, yeni və sənə uyğun bir insanla tanış ola bilərsən. Əgər bu dövrdə bir iş birliyinə başlamağı düşünürsənsə, qarşı tərəfin dürüstlüyünə və uyğunluğuna diqqət et. Emosional dalğalanmalar yaşasan da, bu, sənə aydınlıq və təmizlik gətirəcək.